Ден 12
Во последниот работен ден првата група продолжи со работа во кабинетот за програмирање, односно учениците започнаа со поставување и лемење на елементите: микроконтролер, USB порта, тастер, регулатор, отпорници, ЛЕД, кондензатори и пинови за програмирање.
Втората група продолжи со анализа на вчерашните изработени модели, потем ја проследија процедурата за печатење, а на крајот беа испечатени моделите кои ги пребаруваа учениците на интернет.
Трета и четврта група беа на екскурзија во Љубљана и покрај прошетката и запознавање со позначајните знаменитости имаа можност да дознаат повеќе за делата на најпознатиот словенечкиот архитект Јоже Плечник, како што се: Тројниот мост, Словенечката национална и универзитетска библиотека и Отворениот пазар.
Петтата група заврши со изработката на веб страна во платформата „WordPress“, а воедно го подготвија материјалот за предвидената презентација, која што треба да се презентира во текот на месец Мај од страна на професорите.
На последните часови кај професорот по практична настава Јака Албрехт учениците се запознаа со ултразвучни сензори за растојание и со тоа завршија со предвидените задачи од планот за работа.