Ден 11

Првата група беше во кабинетот за програмирање, професорот Жига Лаусегер ги запозна со програмата „EagleCAD“ и нејзините функции. Потоа учениците беа поделени во три групи и започнаа со конструкција на ППК (плочки со печатено коло). Во програмот „EagleCAD“ изработија шема за програмабилен микроконтролер.

Втората група продолжи со започнатото дизајнирање од претходниот ден, а по завршување на процесот на принтање на конкретен предмет. Со групна работа на учениците беше изработен модел на вентилатор во програмата „SolidWorks“, а во меѓувреме пребаруваа веќе изработени проекти за програмата „SolidWorks“, кои потоа ги испечатија.

Третата група имаше можност да ја посети компанијата „Flycom“. Главната дејност на оваа фирма е 3D мапирање и термално скенирање на електроенергетската мрежа со помош на хеликоптери и беспилотни летала во државата и пошироко. По презентацијата за принципот на работа, како и идните планови на компанијата имаа можност да го посетат и хангарот каде се сместени хеликоптерите и целокупната опрема за снимање и скенирање.

Четвртата група ја посети компанијата „ORO“ која е основана во 1986 година. Главна дејност на компанијата е изработка на алати со помош на CNC (computerized numerical control) машини. Компанијата се простира на површина од 2.500 квадратни метри и вработени се 60 луѓе. Потоа го посетија паркот и музејот за воена историја. Во музејот имаа можност да видат најразлични вид на воен арсенал.

Петтата група продолжи со работа во кабинетот CMS (Content Management Systems) и притоа ја завршија веќе започнатата работа на веб страната во „Wordpress„.