Ден 9
Првата и втората група за денешниот ден имаа рекреативна активност во „Олимпискиот базен “ во Крањ. Учениците имаа можност да вежбаат: фитнес, аеробик и трим.
Третата ти четвртата група продолжија со настава во училиште работејќи на автоматско-пневматските ножици притоа ја завршија програмата и техничката документација за макетата. На крајот секоја група оддржа кратка презнтација на реализираните активности, нашиот ученик Соколчевски Александар ги презентираше чекорите за реализацијата на проектот, а потоа учесниците во проектната задача беа оценети од страна на нивните ментори.
Петтата група ја посети фирмата „VPK - Video Produkcija Kregar“ во Љубљана. Прво учениците го видоа репортажното возило и се запознаа со опремата потребна за пренос на програма во живо. Потем ја посетија просторија во која се чува целосната опремата и алатот потребни за снимање на адуио и видео записи. Презентерите практично им го прикажаа принципот на работа на студиото, како и софтверот потребен за обработка на видео записи.
Попладнето учениците беа на последниот час од обуката со професорот Жига Лаусегер и ги довршија започнатите процеси за практична примена на тајмерите и на крајот креираа програма со која се овозможува контрола на осветленост на LED.
